sru:version: 1.2; sru:query: fcs.rf="mecmua.5_4"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.5_4"; sru:baseUrl: ; fcs:returnedRecords: 1; fcs:duration: PT0.025S PT0.031S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.5_4</phrase></query>)];

Hāḏā [!] risālatu ramli Šamsaddīni raḥmatu llāhi ʿalayhi

Bi‑smi llāhi r‑raḥmāni r‑raḥīmi

remel: fāʿilātün ‑ fāʿilātün ‑ fāʿilün

1 Al‑ḥamdu li‑llāhi rabbi l‑ʿālamīna
Wa‑ṣ‑ṣalātu wa‑s‑salāmu

2 ʿAlā ḫayri ḫalqihī Muḥammadin
Wa‑ālihī aǧmaʿīna ṭ‑ṭayyibīna ṭ‑ṭāhirīna

3 Çün remilden bir risāle buldum üş
Şerḥ ėdeyim anı saña küllĭ ḫoş

4 Qurʿa düzmiş ol nebī‑yi Dāniyāl
Kim bilinür anda on altı eşkāl

5 Anı görmiş bir hüner‑mend ehl‑i dil
Bir kitāb ėtmiş anı sen‑daḫı bil

6 ʿAqlını dėrüb buña şerḥ eylemiş
Bildügini bu kităbda söylemiş

7 Saʿdini vü naḫsini [!] qılmış ʿayān
Dāniyālıñ sözidür taḥqīq inan

8 Elüme girdi benim gördüm anı
Ol nebīnüñ sözidür bildim anı

9 Pür feṣāḥat pür belāġat bu kitāb
Kim düzülmiş yazılu şekl‑i ḥisāb

10 Dilek ėtdi bunı bir şāh‑i civān
Bulmadı hīç ancılayın bu cihān

11 Ehl[‑]i [!] dāniş ʿārif‑i dil‑keş‑durur
Sözi sükker ṣuratı meh‑veş‑durur

12 Ḥācĭ Begdir nāmı Ālū‑zādedir
Gendi begdir adı hem Beg‑zādedir